شايفها لوحدها بقلم الشاعر / محمد عبدالرحيم

شايفها لوحدها

..........

بيقول لها دلوقتي

إيه ..

لوبيعاتبها دموعها

كانت جاوبته ..

ما كانتش تفضل

قاعدة ساكتة مسلمة ..

ولاراضية تسمع

همسته ..

ولاعايزة تفهم بصته

..........

مايكونش حس

بحاجة بيننا ..

لما صدفة قابلنا بعض ..

وعشان أكيد بيحبها

ماجبلهاش سيرة

وسأل ..

وإستنى رد

ودي غلطتي ..

ما أنا كنت فاكر إنها

جاية المكان ده

لوحدها ..

وعشان كدا ..سلمت

بس سمعته فجأة ..

نده لها

..........

آسف ياحبيبتي ..كنت فاكرك

جاية لوحدك ..وماكنتش أعرف

إن الإنسان إللي خد مكاني

هيجيلك بعد شوية ..شوفتي

إحنا عملنا إيه في نفسنا دلوقتي

لما سبنا بعض ..صورة حزينة

بجد

محمدعبدالرحيم